آن لائن شاپنگ کمپنی ’ایمیزون‘ کی جانب سے پاکستان کو ٹریڈنگ لسٹ میں شامل کرنے کے اعلان کے بعد پاکستانی معیشت کو ایک بہترین لیول پر دیکھا جارہا ہے۔

مشیر تجارت عبدالرزاق داؤد نے اپنے ایک ٹوئٹ پیغام میں واضح کیا ہے کہ ایمیزون کی صورت میں پاکستان کی معیشت کے لئے بہترین مواقع پیدا ہوچکے ہیں۔

An important milestone of e-Commerce policy achieved has been through teamwork by many people across the globe.#amazon @aliya_hamza #ecommerce #MakeinPakistan #Pakistan

— Abdul Razak Dawood (@razak_dawood) May 6, 2021

عبدالرزاق داؤد نے بتایا ہے کہ ایمیزون کچھ ہی دنوں میں پاکستان کو اپنے فروخت کنندگان کی فہرست میں شامل کرے گا۔

 انہوں نے کہا کے ای کامرس پالیسی کا ایک اہم سنگ میل پوری دنیا کے بہت سارے لوگوں نے ٹیم ورک کے ذریعے حاصل کیا ہے۔

انہوں نے مزید کہا ہے کہ ہم گزشتہ سال سے ایمیزون کے ساتھ منسلک ہیں یہ ہمارے نوجوانوں ، ایس ایم ایز اور خواتین کاروباری افراد کے لئے ایک بہترین موقع ہے۔