پشاورمیں چھ جنوری سے بند سی این جی اسٹیشن آج کھل گئے ہیں۔

بول نیوز کے مطابق خیبر پختونخوا حکومت نے پشاور ہائی کورٹ کے فیصلے کو مد نظر رکھتے ہوئے صوبائی دارالحکومت میں ہفتے کے 3 دن سی این جی اسٹیشنز کھولنے کا فیصلہ کیا تھا جس کے بعد آج سے اسٹیشنز کھل گئی ہیں۔

عدالتی حکم کے تحت پشاور بھر میں سی این جی اسٹیشنز پیر ، بدھ اور جمعہ کے روز صبح 09 سے شام 4 بجے تک کھلے رہیں گے۔

ضلعی انتظامیہ کا کہنا ہے کہ وقت کی پابندی نہ کرنے والے سی این جی اسٹیشنز کی انتظامیہ کے خلاف تادیبی کارروائی کی جائے گی۔

واضح رہے کہ پشاورسی این جی اسٹیشنوں کو گھریلو صارفین کو گیس دینے کے لیے بند کردیاگیا تھا۔

گیس بحران کے باعث ڈپٹی کمشنر پشاور نے دفعہ 144 نافذ کرکے سی این جی اسٹیشنز 20 جنوری تک بند رکھنے کا نوٹی فکیشن جاری کیا تھا۔

ڈپٹی کمشنر کے فیصلے کے خلاف عدالت عالیہ میں درخواست دائر کی گئی تھی۔