پاکستان نے عالمی مالیاتی فنڈ (آئی ایم ایف) کی تجویز رد کردی۔

تفصیلات کے مطابق اسٹیٹ بینک آف پاکستان نے دو ٹوک پیغام دیتے ہوئے آئی ایم ایف کی وزیر اعظم ہاؤسنگ اسکیم کو رول بیک کرنے کی تجویز کو رد کردیا۔

ڈپٹی گورنر اسٹیٹ بینک سیما کامل کا کہنا ہے کہ وزیراعظم کی ہاؤسنگ اسکیم جاری رہے گی ۔

سیما کامل نے کہا کہ ہاؤسنگ اسکیم رول بیک نہیں ہوگی۔ اسکیم کو مزید بہتر اور آسان بنایا جارہا ہے۔

واضح رہے کہ جولائی 2019 میں  وزیر اعظم عمران خان نے نیا پاکستان ہاؤسنگ منصوبے کے لیے آن لائن رجسٹریشن کا آغاز  کیا تھا۔

افتتاحی تقریب سے خطاب کرتے ہوئے وزیر اعظم کا کہنا تھا کہ  پاکستان میں تقریباً ایک کروڑ سے زائد نئے گھروں کی ضرورت ہےاور نیا پاکستان ہاؤسنگ منصوبے کے تحت ہم نے بے گھر افراد کے لیے گھر بنانے ہیں۔