اسٹیٹ بینک آف پاکستان کا بڑا فیصلہ، مختلف اشیاء کی درآمدی ایل سیز کھولنے کی اجازت  دے دی۔

تفصیلات کے مطابق اسٹیٹ بینک آف پاکستان نے چیپٹر  84، 85  اور 87  میں شامل اشیاء کی درآمدی ایل سیز کھولنے کی اجازت  دےدی۔

اسٹیٹ بینک  نے 2 جنوری سے  درآمدی لین دین کی اجازت لینے کی پابندی ختم کرنے کا اعلان کردیا ہے۔

مزید پڑھیں:55 لاکھ ڈالر کی سبزیاں پورٹ پر پھنس گئیں، قیمتوں میں اضافے کا خدشہ

اسٹیٹ بینک نے درآمدی لین دین کی پیشگی اجازت واپس لے لی۔ مئی 2022 میں اسٹیٹ بینک کی جانب سے درآمدی لین دین  کے لیے شرط عائد کی گئی تھی۔

اسٹیٹ بینک نے چیپٹر 84، 85 اور 87 کی بعض اشیاء کی درآمد سے پہلے مشروط اجازت عائد کردی تھی تاہم اب اسٹیٹ بینک نے 2 جنوری سے پیشگی اجازت کی شرط ختم کرنے کا اعلان کردیا ہے۔

مزید پڑھیں: ٹماٹر اور پیاز کی درآمد پر ٹیکس چھوٹ کی منظوری

اس فیصلے کے تحت اسٹیٹ بینک کے پاس پہلے سے جمع شدہ چیپٹر 84،85  اور 87  کی درآمدی کنسائمنٹ کو پہلے ترجیح دی جائے گی۔

درآمدی اشیاء میں گندم، خوردنی تیل، اودیات کے خام مال، زندگی بچانے والی اور دیگر ضروری ادویات شامل ہوں گی۔

اس میں جراحی کے آلات کو بھی کلیئر کیا جائے گا،توانائی پر مبنی درآمدات، خام مال، ان ہٹ سامان اور اسپئیر پارٹس بھی شامل ہوں گے۔ برآمدات پر مبنی صنعت کے درآمدات، خام مال، ان ہٹ سامان اور اسپئیر پارٹس کو بھی  کلیئر کیا جائے گا۔