گاڑی کی رجسٹریشن کروانے والوں کیلئے حکومت نے اہم اعلان کردیا ہے۔

تفصیلات کے مطابق محکمہ ایکسائز نے گھر جا کر گاڑیوں اور موٹر سائیکلوں کی رجسٹریشن کیلئے موبائل سروس شروع کرنے کا فیصلہ کرلیا ہے۔

ایکسائز کے نمائندے خواہشمند شہریوں کی گاڑیاں انکے گھرجا کر رجسٹرڈ کریں گے۔

ڈی جی ایکسائز کے مطابق ایکسائز ملازمین روزانہ کی بنیاد پر گھر کی دہلیز پر گاڑی رجسٹرڈ کریں گے جس کے لئے ٹیب خریدے جائیں گے۔

شہریوں سے فی کلو میٹر کے حساب سے سروس چارجز وصول کیے جائیں گے۔

موبائل سروس سے گھر بیٹھے رجسٹریشن کیساتھ ساتھ کرپشن کی شکایات کا ازالہ بھی ممکن ہوگا۔

ڈی جی ایکسائز محمد علی نے موبائل سسٹم کے آغاز کیلئے اشیا کی خریداری کی سمری بھجوا دی ہے۔