سی پیک کے تحت 25.17 ارب ڈالر لاگت کے 38 منصوبے مکمل کرلیے گئے ہیں۔

سی پیک کے مکمل، جاری اور پائپ لائن منصوبوں کی تفصیلات سامنے آگئیں ہیں جس کے مطابق 18 ارب ڈالر لاگت کے انرجی کے 17 منصوبوں کی تکمیل ہوگئی ہے۔

سرکاری دستاویز میں بتایا گیا ہے کہ سی پیک کے تحت 6.54 ارب ڈالر کے انفراسٹرکچر کے 7 منصوبے مکمل ہوگئے جب کہ گوادر میں 56 کروڑ ڈالر لاگت کے 5 منصوبے مکمل کرلیے گئے ہیں۔

سرکاری دستاویز کے مطابق سماجی اقتصادی ترقی کے 7 کروڑ 30 لاکھ ڈالر کے 9 منصوبے مکمل کرلیے گئے، سی پیک فیز ون کے تحت 2.45 ارب ڈالر کے 24 منصوبے جاری ہیں جب کہ 71 کروڑ ڈالر کے 5 انفراسٹرکچر اور گوادر میں 1.19 ارب ڈالر کے 5 منصوبے جاری ہیں۔

سرکاری دستاویز میں کہا گیا ہے کہ سماجی اقتصادی ترقی کے 13 کروڑ ڈالر لاگت کے 8 منصوبے جاری ہیں، سی پیک کے تحت صنعتی تعاون کے 42 کروڑ ڈالر لاگت کے 4 منصوبے جاری ہیں۔

سرکاری دستاویز میں مزید بتایا گیا ہے کہ سی پیک کے فیز ون کے تحت 26 منصوبے پائپ لائن میں ہیں، پائپ لائن میں ان 26 منصوبوں کی لاگت 26.75 ارب ڈالر ہے۔