’ شہر قائد کے مضافاتی علاقوں میں ہلکی دھند چھائی رہی،

6 سے 8 نومبر کے درمیان ہلکی بارش متوقع ہے‘

تفصیلات کے مطابق آج صبح کراچی میں دھند چھائی رہی جس کے باعث حد نگاہ متاثر رہی،

محکمہ موسمیات کی رپورٹ کے مطابق  اسوقت مطلع صاف ہے اوربارش کا کوئی امکان نہیں البتہ 6 سے 8 نومبر کے درمیان شہر میں ہلکی بارش متوقع ہے ۔

رپورٹ کے مطابق کم سے کم درجہ حرارت 20 ڈگری سینٹی گریڈ جبکہ زیادہ سے زیادہ 34 ڈگری سینٹی گریڈ رہنے کا امکان ہے،اس وقت 8کلو میٹر فی گھنٹہ کی رفتار سے شمال مغربی سمت سے داخل ہونے والی ہواؤں میں نمی کا تناسب 89 فیصد رہا،تاہم 6 نومبر سے مغربی ہواؤں کا سلسلہ ملک کا رخ کرنے کے بعد دن اور رات کے درجہ حرارت میں کمی واقع ہوجائے گی جس کے سبب6 سے8 نومبر کے درمیان شہر میں ہلکی بارش  متوقع ہے۔