اسلام آباد: جوڈیشل کمپلیکس حملہ کیس میں انسداد دہشت گردی عدالت نے سابق وزیراعلیٰ پنجاب چوہدری پرویز الہیٰ کی ضمانت منظور کر لی۔

تفصیلات کے مطابق اسلام آباد کی انسداد دہشت گردی عدالت کے جج ابوالحسنات ذوالقرنین نے جوڈیشل کمپلیکس حملہ کیس میں سابق وزیراعلیٰ پنجاب پرویز الہیٰ کی درخواست ضمانت پر سماعت کی۔

عدالت نے چوہدری پرویزالہٰی کی 20 ہزار کے ضمانتی مچلکوں کے عوض ضمانت منظور کی اور پرویز الہیٰ کو ضمانت پر رہا کرنے کا حکم دے دیا۔

چوہدری پرویز الٰہی کو دوبارہ گرفتاری کا خدشہ

چوہدری پرویز الہیٰ کو مزید کسی مقدمے میں دوبارہ گرفتاری کا خدشہ ہے جس کے وجہ سے پرویز الہیٰ نے آج ہی اسلام آباد ہائیکورٹ میں درخواست دائر کرنے کا فیصلہ کرلیا ہے۔

وکیل سردار عبد الرازق نے کہا کہ پرویز الہٰی کے وکیل سردار عبدالرازق درخواست دائر کریں گے، رہائی کے بعد دوبارہ ممکنہ گرفتاری سے بچنے کے لیے درخواست دائر کر رہے ہیں، تھوڑی دیر میں پرویز الہیٰ کی طرف سے ہائیکورٹ میں درخواست دائر کریں گے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/court/2023/09/921302/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/court/2023/09/921302/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں