اسلام آباد: پاک فوج شمالی وزیرستان کے یتیم بچوں کا سہارا بن گیا۔

شمالی وزیرستان کی تحصیل میر علی میں پاک فوج کی جانب سے یتیم بچوں کی کفالت کے لیے الخدمت فاؤنڈیشن کے تعاون سے آغوش ہاسٹل کا افتتاح کیا گیا۔

پاک فوج شمالی وزیرستان کے یتیم بچوں کا سہارا بن گئی
شمالی وزیرستان، میر علی میں یتیم بچوں کا آغوش ہاسٹل قائم#PakistanArmy #BOLNews pic.twitter.com/wka5NpZR4k

— BOL Network (@BOLNETWORK) April 18, 2024

100 طلباء کی گنجائش کے ساتھ تعمیر ہونے والے آغوش ہاسٹل میں اس وقت 75 طلباء زیرِ کفالت ہیں، طلباء کو سائنسی ودینی علوم کے ساتھ ساتھ غیر نصابی سرگرمیوں کے مساوی مواقع فراہم کیے جاتے ہیں۔

اس کے علاوہ ہاسٹل میں تمام طلباء کو مفت رہائش اور کھانا بھی فراہم کیا جاتا ہے، اس اہم سنگِ میل کا مقصد یتیم اور بے سہارا بچوں کو آگے بڑھنے اور معاشرے کا کار آمد شہری بننے کا موقع فراہم کرنا ہے۔

اہلِ علاقہ نے اس کارِ خیر پر پاک فوج کا شکریہ ادا کیا اور کہا کہ پاک فوج کی اس کاوش کی وجہ سے اب یتیم بچے جدید علوم سے بہرہ مند ہونگے اور ملکی ترقی و خوشحالی میں اپنا کردار ادا کر سکیں گے۔