مشہور زمانہ ہندی فلم ستے پہ ستا کے ریمیک کے لئے دیپکا پیڈون، کٹرینہ کیف، یا کریتی سنون میں سے کونسی اداکار ہیروئین کا کردار ادا کرتی دکھائی دیں گی اسکا فیصلہ اب تک نہ ہوسکا۔

ذرائع کے مطابق فلم کی ہدایت کارفرح خان نے فلم میں لیڈ رول کے لئےاداکار ریتیک روشن کے ساتھ  مقابل ہیروئین کے لئے پہلا نام دیپیکا پیڈکون کا پیش کیا ہے ۔

 فرح خان کا کہنا ہے کہ1982 کی فلم ستے پہ ستا میں اداکار ہیما مالینی نے بطور ہیروئین کا کردار ادا کیا اور اب اس فلم کے ریمیک میں وہ مسسز رنبیر سنگھ کو ہیمامالینی کی جگہ دیکھنا چاہتی ہیں۔

تفصیلات کے مطابق2021 تک دیپیکا پیڈون اپنے دوسرے پروجیکٹ میں مصروف ہیں اور فلم ستے پہ ستا میں کام کرنے میں انکی کسی بھی حوالہ سے کوئی رائے نہیں ہے۔ جبکہ فرح خان کا دیپیکا پیڈکون کے بعد اداکار کترینہ کیف  کوکاسٹ  کرنے کا ارادہ ہے۔

فرح خان کا مزید کہنا ہے کہ فلم زندگی نہ ملے گی دوبارہ میں ریتیک اور کترینہ ساتھ کام کر چکے ہیں اور فلم بینوں نے انکو پسند بھی بہت کیا تھا لیکن ریتیک روشن اور دیپیکا پیڈکون نے اب تک اسکرین پر ساتھ کام نہیں کیا ہے ۔

ذرائع کا کہنا ہے کہ اس ریمیک فلم میں ہیروئین کے کاسٹ کے لیے فرح خان نے اداکار کریتی سینون کو بھی لائن اپ کیا ہے  تاہم کریتی سے اب تک اس حوالہ سے بات نہیں ہوئی ہے۔