معروف امریکی گلوکارہ ٹیلرسوئفٹ محض اچھی آوازہی نہیں بلکہ ایک انتہائی خوبصورت دل کی بھی مالک ہیں۔ گلوکارہ نے کینیڈا میں مقیم پاکستانی طالبہ کاتعلیمی خرچہ اٹھالیااوریونیورسٹی کی فیس ادا کرنےمیں انکی مدد کی ہے۔

تفصیلات کےمطابق کینیڈا کی انٹاریویونیورسٹی میں تعلیم حاصل کرنے والی پاکستانی طالبہ عائشہ خرم کومعاشی مشکلات کے باعث اپنی ٹیوشن فیس کی ادائیگی میں مشکلات کا سامناتھا۔ گلوکارہ ٹیلرسوئفٹ نے6ہزار3سوچھیاسی کینیڈین ڈالرفیس اداکرکےطالبہ کادل جیت لیا۔

گزشتہ سال عائشہ خرم نےٹیلرسوئفٹ کےٹورنٹومیں ہونےوالےکنسرٹ میں شرکت کی تھی لیکن ان سےملاقات کے باوجودوہ اپنے تعلیمی اخراجات کے مسئلےپر بات نہ کرپائیں تھیں۔

حال ہی میں طالبہ عائشہ خرم کی جانب سے آن لائن فورم پراپیل کی گئی تھی جس میں انھوں نےاپنےخاندان کودرپیش معاشی مسائل سے آگاہ کرتے ہوئےاپنے تعلیمی اخراجات کوپورا کرنےکیلئے مددمانگی تھی۔

میڈیاکوانٹرویودیتے ہوئےعائشہ کا کہناہے کہ جب انھوں نےمدد کیلئےانٹرنیٹ پر موجود فورم کادروازہ کھٹکھٹایاتوانہیں اس بات کابالکل بھی اندازہ نہیں تھاکہ ایساکچھ ممکن ہوپائےگا۔ عائشہ کا کہناہے کہ انھوں نےفیس کی ادائیگی میں درپیش مشکلات کاذکر کیاتھا۔

عائشہ کےمطابق انٹرنیٹ پرموجوددوستوں میں سے کسی نےان کےآن لائن منی ٹرانسفر کیلئے تفصیلات مانگیں جوکہ انھوں نےفوری طور پرارسال کردیں۔

عائشہ کاکہناہے کہ انہیں تب یقین ہی نہیں آیا جب آن لائن منی ٹرانسفرکی جانب سےنوٹیفکیشن موصول ہوا جس کے مطابق فیس کی ادائیگی کیلئےانہیں 6ہزار3سوچھیاسی کینیڈین ڈالربھیجے گئے تھے۔ عائشہ نےبتایا کہ بھیجنے والاانسان کوئی اورنہیں بلکہ رقم ان کی پسندیدہ گلوکارہ ٹیلرسوئفٹ کی جانب سےتعلیمی اخراجات کیلئےبھیجی گئی تھی جس پر ایک پیغام بھی درج تھا کہ وہ اپنے تعلیمی سفرکوجاری رکھیں۔

See more

عائشہ کاکہناتھا کہ انہوں سے سوچا ہی نہیں تھا کہ ایسابھی ہوسکتاہےاوراتناکچھ مل جائے گا، ٹیلرسوئفٹ انتہائی سخی ہیں اورانہوں نے خواب میں بھی کبھی ایسا نہ سوچاکہ ان کی ایسی مددکی جائےگی۔

طالبہ نےکہا کہ ان کےاوپرسےتعلیم کا خرچہ پوراکرنےکیلئےبہت بڑابوجھ ہٹ گیا ہےجس کیلئےوہ گلوکارہ کی بے حداحسان مندہیں۔

عائشہ کاکہناتھا کہ ٹیلرسوئفٹ صرف گلوکارہ ہی نہیں بلکہ ان کی پسندیدہ شخصیت بھی ہیں۔