بالی ووڈ کی اسکینڈل کوئین راکھی ساونت بالآخر شادی کے بندھن میں بندھ گئی ہیں۔

بھارتی میڈیا کے رپورٹ کے مطابق بالی ووڈ کی متنازع اداکارہ راکھی ساونت نے آخر کار شادی کر ہی لی۔

راکھی ساونت نے بتایا کہ انہوں نے برطانیہ سے تعلق رکھنے والے ایک بزنس مین ریتیش سے رواں سال 28 جولائی کو شادی کی۔

See more

ان کا شوہر ان کے مداحوں میں سے ایک ہے جو انہیں کئی عرصے سے فالوکر رہا تھا۔

شادی کا جوڑا پہنے بھی راکھی ساونت کی تصویر سوشل میڈیا پر وائرل ہوگئی ہے۔

See more

راکھی ساونت نے اپنے انٹرویو میں بتایا کہ انہوں نے اپنی شادی کو دنیا سے اس لئے چھپایا کیوں کہ وہ ڈری ہوئی تھیں۔

انہوں نے کہا کہ ’’میں ڈر گئی تھی، ہاں میں نے شادی کرلی ہے۔‘‘

اداکارہ کا کہنا تھا کہ ‘مجھے روزانہ ہزاروں مداحوں کے پیغامات ملتے ہیں، لیکن ایک دن جب میں کافی اداس تھی تو مجھے ایک مداح نے پیغام بھیجا کہ میں آج اداس کیوں ہوں؟ اس پر میں نے حیرانی کا اظہار کرتے ہوئے پوچھا کہ اسے کیسے پتا لگا کہ میں اداس ہوں، جس پر اس نے بتایا کہ وہ طویل عرصے سے مجھے فالو کررہا ہے اور جانتا ہے کہ میں کب خوش اور اداس ہوتی ہوں، اس دن میں نے سوچ لیا تھا کہ ایک دن میں اس سے ہی شادی کروں گی۔‘

رپورٹس کے مطابق راکھی ساونت نے 36 سالہ ریتیش سے ایک سال تعلق رکھنے کے بعد ممبئی کے ایک ہوٹل میں ان سے شادی کی۔

See more

اداکارہ نے اپنی شادی کا اعلان سوشل میڈیا پر نہیں کیا۔

لیکن کئی دنوں سے وہ ایسی تصاویر اور ویڈیوز اپنے انسٹاگرام اکاؤنٹ پر ضرور شیئر کر رہی ہیں جس میں وہ شادی کے ملبوسات میں نظر آئیں۔

See more

اپنی شادی کی تقریبات کے حوالے سے راکھی ساونت نے بتایا کہ ‘ہماری شادی عیسائی اور ہندو رسومات کے تحت ہوئی، میں نے ہمیشہ یہی خواب دیکھا تھا کہ میری شادی خوبصورت انداز سے ہو، ریتیش نہیں چاہتا کہ وہ ابھی میڈیا کے سامنے آئے، اس نے مجھ سے وعدہ کیا ہے کہ جب ہمارے بچے ہوجائیں گے تو وہ ان کی تصاویر خود دنیا سے شیئر کرے گا’۔

سن 2009 میں راکھی ساونت نے بھارتی نژاد کینیڈین بزنس مین الیش پروجان والا سے بھی منگنی کی تھی۔