کنگ خان کی عفت عمر کو مبارکباد

عمر اللہ حسینی

06th Aug, 2019. 06:41 am
شيئر

سماجی رابطے اور فوٹو شئیرنگ ایپ انسٹاگرام پر بالی ووڈ کے بے تاج بادشاہ شاہ رخ خان نے اپنے ویڈیو پیغام میں پاکستانی اداکارہ عفت عمرکے نئے پروگرام پر انہیں مبارک باد دی۔
ساتھ ہی مستقبل میں کامیابی کیلئے نیک خواہشات کا اظہار کیا۔

اداکارہ عفت عمر نے اپنے نئے یو ٹیوب پروگرام ’’سے اٹ آل ود عفت عمر‘‘ کا اعلان کیا ہے۔
اس حوالے سے عفت عمر کا کہنا ہے کہ پروگرام ’’سے اٹ آل ود عفت عمر‘‘کے لئےہم بہت پر جوش ہیں۔

پاکستانی شوبز انڈسٹری کےچمکتے دمکتے ستاروں کو پروگرام کا حصہ بنایا جا ئے گا اور ان کی اداکاری کے ساتھ ساتھ نجی زندگی کے بارے میں بھی باتیں ہوں گی۔
نہ صرف یہ ، بلکہ ثقافتی ، مقامی اور عالمی معلومات پر بھی پروگرام میں خصوصی سیگمنٹ ہوں گے۔
عفت عمر پر امید ہیں کہ اس پروگرام کو بے حد سراہا جائے گا۔

اختتام