اداکارہ ارمینا رانا خان  کشمیریوں کے حقوق کے لیے آواز اٹھانے کے حوالے سے سوشل میڈیا پر خاصی سرگرم ہیں لیکن اس حوالے سے ان کی آواز کو دبانے کی کوشش کی جا رہی ہے۔

اداکارہ نے اپنے انسٹا گرام اکاؤنٹ پر بتایا کہ ان کی جانب سے کی جانے والی کچھ پوسٹس کو انتظامیہ نے ڈیلیٹ کردیا ہے ۔

https://twitter.com/ArmeenaRK/status/1169991896980230146

ارمینا نے اپنے انسٹا گرام اکاؤنٹ پر مزید کہا کہ جیسا کہ آپ جانتے ہیں میں کشمیر میں انسانی حقوق کے لیے آواز اٹھارہی ہوں، اس سے مجھے خدشات کا پتا تھا، اس سے میرے کئی پروجیکٹ ختم بھی ہوگئے ہیں۔

https://twitter.com/ArmeenaRK/status/1170057888599040001

ارمینا رانا خان نے لکھا کہ یہ سب آواز اٹھانے کی قیمت ہے لیکن اب میں خاموش نہیں رہوں گی۔ انہوں نے سوال اٹھایا کہ ہمارے ساتھ کون کون کھڑا ہوگا؟۔

سوشل میڈیا صارفین کی جانب سے ساتھ دینے کی مکمل یقین دہانی اور اداکارہ کے اس اقدام کو سراہے جانے پر کچھ دیر بعد ایک اور ٹویٹ میں ارمینا رانا خان نے سب کا شکریہ ادا کرتے ہوئے کہا کہ اچھے لوگوں کیلئے ہر جگہ اب مشکل وقت ہے، آپ سب کی حمایت سے میں آبدیدہ ہو گئی اور میں تہہ دل سے سب کی شکر گزار ہوں۔

https://twitter.com/ArmeenaRK/status/1170068797937672193