بھارتی  میڈیا،جھوٹ کا پلندہ،ہا لی  ووڈ کے میگا اسٹار آرنلڈ شوازینگر نے بھارتی میڈیا   کو جھوٹا قرار دے کر اپنے دورہ   ہندوستان کی خبروں  کی تردید کردی ہے۔

عالمی ذرائع ابلاغ کے مطابق حال ہی میں بھارتی میڈیا پر  ہالی ووڈ کے سپرسٹار آرنلڈ شوازینگر کے حوالے سے خبریں گردش کر رہی تھیں کہ وہ اگلے ماہ بھارت کا دورہ کریں گےاور دوران بھارتی ریاست ماہراشٹرا میں ہونے والے ایک فٹنس مقابلے میں شریک بھی ہوں گے۔

تاہم آرنلڈ شوازینگر نے اپنے تازہ بیان میں بھارتی میڈیا کو بے نقاب کرتے ہوئے ان کے دورے کے حوالے سے تمام خبروں کو بے بنیاد قرار دے دیا اور کہا کہ انڈین میڈیا غلط خبریں پھیلا رہا ہے۔

انہوں نے کہا کہ ’میں اس سال بھارت نہیں آرہا ہوں ۔یہ جھوٹی خبر ہے۔ میرے پاس بھارت آنے کا وقت ہی نہیں ہے۔‘

یاد رہے کہ آرنلڈ ایک بار پھر بڑے پردے  پر دشمنوں کے خلاف اپنا زور بازو آزماتے نظر آئیں گے۔ ان کی فلم ٹرمنیٹر  سیریز  کا چھٹا حصہ ٹرمینیٹرڈارک فیٹ یکم نومبر کو ریلیز ہورہی ہے۔

ٹم ملر کی ہدایتکاری میں بننے والی فلم میں ایک بار پھر سے آرنلڈ شوارزنیگر طاقتور روبوٹک مشین کے کردار میں جلوہ  گر ہورہے ہیں۔

فلم کے دیگر اداکاروں میں یکنزی ڈیوس، لنڈا ہملٹن، جڈیاگو بونیٹا، گیبریل لونااورنٹالی ریس سمیت کئی فنکار شامل ہیں۔