پا کستانی ڈرامہ رانجھا رانجھا کردی میں بھولے کی معصومیت کا کردار ادا کر کے شہرت کی بلندیو ں پر پہنچنے والے ٹی وی انڈسٹری کے ورسٹائل اداکارعمران اشرف نے سلور اسکرین پر ڈیبیو کرنے کا اعلا ن کر دیا ہے۔

سماجی رابطے کی ویب سائٹ انسٹا گرام کی ایک پوسٹ میں عمران اشرف نے اپنے مداحوں کو اپنی پہلی فلم دم دستم کی تفصیلات بتا تے ہوئے کیپشن کا آغاز شروع کرتے ہیں اللہ کے نام سے کیا۔

See more

اس کے ساتھ ہی عمران اشرف نے فلم دم دستم اور ساتھی اداکاروں کے نام بھی پوسٹ کئے۔

عمران اشرف کی اس پوسٹ کے مطابق اس فلم کو نا موراداکار عدنان صدیقی پروڈیوسرکر رہے ہیں جبکہ عیدالاضحی پر ہٹ ہونے والی فلم سُپر اسٹار کے پروڈیوسر احتشام الدین نے ہی اس فلم کو بھی پروڈیوس کر رہے ہیں ۔

عمران اشرف کے ساتھ مرکزی کردار ادا کرنے والی اداکارہ امر خان نے بھی اپنی انسٹاگرام پوسٹ پر فلم کے لئے اپنی خوشی کا اظہار کیا ہے۔

پہلی فلم کے اعلان کے بعد سے ہی دنیا بھر سےمداحوں اداکارعمران اشرف کو مبارکباد دے رہے ہیں جبکہ فلم اسٹار ہمایوں سعید اور عمران عباس نے بھی مبارکباد دیتے ہوئے نیک خواہشات کا اظہار کیا۔

See more