معروف امریکی گلوکارنک جونز کو کنسرٹ کے دوران خاتون مداح کی جانب سے جنسی طور پر ہراساں کرنے کی ویڈیو سوشل میڈیا پر وائرل ہوگئی۔

سوشل میڈیا پرجونز برادرز کے لاس اینجلس میں ہونے والے کنسرٹ ’ہالی ووڈ باؤل‘ کی ویڈیو وائرل ہورہی ہے جس میں تینوں بھائی کیون جونس، جوزف جونس اور نکولس (نک) جونس مداحوں کے درمیان پُرجوش انداز میں پرفارم کرتے نظر آرہے ہیں۔

https://twitter.com/JessieJonas95/status/1186817293264871426

  تاہم کنسرٹ کے دوران نک جونز کے ساتھ خاتون مداح کی جانب سے کی جانے والی جنسی ہراسانی کی ویڈیو سوشل میڈیا پر وائرل ہوگئی۔

ویڈیومیں دیکھا جاسکتا ہے کہ نک جونزگانا گارہے ہیں، اسی دوران ان کے پیچھے کھڑی مداح انہیں ہاتھ لگاتی ہے تاہم سیکیورٹی گارڈ آکراسے پیچھے کردیتے ہیں، لیکن خاتون پھر بھی باز نہیں آتی اور مسلسل نک جونزکو تنگ کرتی رہتی ہیں اور ان کی ٹانگوں کو ہاتھ لگاتی رہتی ہے۔

 یہاں تک کہ نک جونز بھی اس حرکت پرپیچھے مڑ کرانہیں دیکھتے ہیں اور اس خاتون کے ہاتھ کو پیچھے ہٹانے کی کوشش کرتے ہیں۔

بعد ازاں امریکی گلوکار  نک جونز نے کامیاب کنسرٹ کے انعقاد پر ٹوئٹر پر  اپنے مداحوں کا شکریہ ادا کیا، لیکن اپنے پیغام میں کنسرٹ کے دوران ہونے والی جنسی ہراسگی  کا کوئی بھی ذکر نہیں کیا۔

Hollywood Bowl night 2. Thank you to every single one of you who made these two sold out nights so incredible. I am so grateful. pic.twitter.com/AJIcYGUsKS

— Nick Jonas (@nickjonas) October 23, 2019

تاہم سوشل میڈیا صارفین خاتون کی اس حرکت پر سیخ پا ہوگئےاورامریکی گلوکار نک جونزکو جنسی ہراساں کرنے پرکنسرٹ کی انتظامیہ سے اس خاتون کے خلاف ایکشن لینے کا مطالبہ کردیا۔ کچھ لوگوں نے تو اس خاتون کو گرفتار کرنے کا بھی مطالبہ کیا ہے۔