امریکا کی معروف گلوکارہ سلینا گومیز اپنے نئے گانوں کے پروموشن ایونٹ سے واپسی کے دوران  اونچی ہیل کے باعث چلتے چلتے اچانک لڑکھڑا گئیں،اور گرتے گرتے بچ گئیں اور گلوکارہ نے کمال مہارت سے خود کو سنبھال لیا۔ ان کی ویڈیو سوشل میڈیا پر وائرل ہوگئی ۔

شوبز شخصیات جہاں کہیں بھی جاتے ہیں کیمرے ان کا پیچھا کرتے دکھائی دیتے ہیں، ان کیمروں کے ذریعے ایک ایک لمحے کو کیپچر کرلیا جاتا ہے جس کی وجہ سے ان شخصیات کو اپنے قدم بھی پھونک پھونک کر رکھنے پڑتے ہیں۔

آپ نے اکثر اداکاراؤں اور ماڈلز کی ریمپ پر واک کرتے ہوئے گرتے دیکھا ہوگا، ایسی ویڈیو سوشل میڈیا پر بے حد وائرل ہوجاتی ہیں اور سوشل میڈیا صارفین انہیں دیکھ کر خوب محظوظ ہوتے ہیں۔

کچھ ایسا ہی واقعہ امریکی گلوکارہ سلینا گومیز کے ساتھ پیش آیا ۔وہ اپنے نئے گانوں ’لوز یو لو می‘ اور ’لک ایٹ  ہر ناؤ‘ کے پروموش ایونٹ کے لئے نیو یارک میں موجود تھیں۔

See more

ایونٹ سے واپسی پر سلینا گومیز انتہائی پر سکون انداز میں چلتی دکھائی دیتی ہیں کہ اچانک ان کا پیر پھسلتا ہے اور وہ لڑکھڑا جاتی ہیں۔ ایک لمحے کے لئے ایسا لگتا ہے کہ جیسے وہ گر ہی جائیں گی تاہم وہ اپنا توازن انتہائی خوبصورتی سے برقرار رکھتی ہیں اور خود کو گرنے سے بچانے میں کامیاب ہوجاتی ہیں۔

سلینا گومیز کے گرنے لے لمحات کیمرے میں قید کرلئے گئے  اور ویڈیو سوشل میڈیا پر وائرل ہوگئی جس پر صارفین خوب دلچسپ تبصرے دے رہے ہیں۔