پاکستان فلم انڈسٹری کی مشہوراداکارہ میرا نےکہاہے کہ ماضی میں  لوگوں نےمیری معصومیت سے فائدہ اٹھایا ہے ۔

لولی وڈا سٹار میرا نے کہا کہ ماضی میں میری معصومیت کا ناجائزفائدہ اٹھا یا گیا،اگر میری جگہ کوئی اوراداکارہ ہوتی تووہ دلبرداشتہ ہو کر اس انڈسٹری بلکہ ملک کو ہی چھوڑ چکی ہوتی ۔

نجی شو میں بات  کرتے ہوئے میرا نے کہا کہ میرے خلاف جتنی بڑی تعداد میں سازشیں ہوئی ہیں ان کو بیان نہیں کیا جا سکتا ،ماضی میں جو ہونا تھا ہو گیا اب میں ان کا ڈٹ کر مقابلہ کرتی ہوں ۔

مجھے آج بھی سمجھ نہیں آتی کہ لوگ ناجانے کیوں میرے پیچھے ہاتھ دھو کر پڑ جاتے ہیں حالانکہ میں نے کبھی کسی کے معاملات میں مداخلت نہیں کی ۔

میرانےسخت الفاظ میں کہا کہ مجھے یہ کہنے میں کوئی عار نہیں کہ ماضی میں میری معصومیت کا بڑی بد معاشی کے ساتھ فائدہ اٹھایا گیا لیکن اب میں اسے دہرانے نہیں دوں گی۔