کےپوپ جنوبی کورین بینڈ کی گلوکارہ اوراداکارہ گوہارا نے مبینہ طور پر خودکشی کرلی۔

بین الاقوامی میڈیا کے مطابق جنوبی کورین دارالحکومت سیول میں گلوکارہ گوہارا اپنے گھرمیں مردہ حالت میں پائی گئیں۔ ان کی عمر 28 سال تھی۔

گوہاراپاپ گروپ کارا کی سابق ممبر تھی جس میں وہ 2008 میں شامل ہوئی تھیں۔

مبینہ طورپرخودکشی سے قبل انسٹاگرام پوسٹ میں گوہارا نےآخری پوسٹ شیئر کی جس میں فالوورز کو شب بخیر کہا ۔ کورین پولیس نے گوہارا کی موت کی تحقیقات شروع کردی ہیں۔

پولیس کاکہناہےکہ ممکن ہے گوہارا نے خودکشی کی ہو۔گلوکارہ نےاس سے پہلے مئی میں بھی خودکشی کی کوشش کی تھی تاہم وہ محفوظ رہیں اور کافی روز تک اسپتال میں زیرعلاج رہیں۔

گوہارانےپچھلے ہفتےدوبارہ اپنی شوبز کی سرگرمیاں شروع کردی تھیں اور ایک سیریز میں کارکردگی پیش کی تھی۔ گوہارا نے خودکشی کی کوشش سے اپنے پرستاروں کوپہنچنے والے دکھ اور صدمے پر ان سے معافی بھی مانگی تھی۔

2018میں سال گوہارانے اپنے سابق بوائے فرینڈ کے خلاف مقدمہ کیاتھاجس نے اس کی نازیبا ویڈیو انٹرنیٹ پرشیئر کرنے کی دھمکی تھی۔ عدالت نے گوہارا کے بوائے فرینڈ کو اس پر تشدد کرنے اور بلیک میلنگ کے جرم میں قید کی معطل سزا بھی سنائی تھی۔

خیال رہے کہ جنوبی کوریا ان ممالک میں شامل ہے جہاں بہت زیادہ لوگ خودکشی کرتے ہیں۔