جے  یو آئی(ف)  کےسربراہ  مولانا فضل الرحمن  کے آزادی مارچ میں خطاب کے بعد ڈی جی آئی ایس پی آر آصف  غفور کے بھرپور ردعمل کےبعد پاکستان  کی  مشہور اداکارہ  نیلم منیر بھی میدان میں آگئیں ۔

پاکستان کی نامور اداکارہ وماڈل نیلم منیرنےمولانا فضل الرحمن کےبیان پرردعمل دیتےہوئےکہاکہ مولانا صاحب نےعمران خان کوگھرسےگرفتاری کی دھمکی دے کرمیرادل توڑ دیا۔

 تفصیلا ت  کےمطابق  سماجی رابطےکی ویب سائٹ انسٹاگرام پرنیلم منیرنے پاکستانی جھنڈےاورخودجھنڈے کے رنگ میں ملبوس ایک تصویر اپلوڈ کرتے ہوئے اپنا ردعمل دیتےہوئے اداکارہ نے کیپشن میں لکھا کہ وہ تمام علماء کرام کا دل سے احترام کرتی ہیں اور روزانہ کی بنیاد پر وہ اُن کے لیکچرز سے رہنمائی بھی حاصل کرتی ہیں۔

See more

انہوں نے لکھا کہ مولانا نےوزیر اعظم کوگرفتاری کی دھمکی دے کرمیرا دل توڑ دیا۔

اداکارہ نیلم نےاپنے طویل کیپشن میں مزید لکھا کہ ہمارا ملک کسی بھی طرح کاانتشاریاشہری نافرمانی کےبرداشت کے قابل نہیں ہے۔

انہوں  نےنوجوانوں کومخاطب  کرتےہوئے کہاکہ اپنی قسمت تبدیل کرنےکےخواہاں نوجوان انتشار پھیلانےوالوں کی بات نہ سنیں۔

نیلم نے آخر میں لکھا کہ ملک کوتباہ کرنےوالو ں کےخلاف نوجوانوں کو متحد ہونا پڑے گا۔

واضح  رہے کہ  گزشتہ روز لانگ مارچ سے خطاب کرتے ہوئے کہا تھا کہ وزیراعظم نے استعفیٰ نہ دیا تو عوام کا یہ سمندر انہیں گھرسےبھی گرفتارکرنے کی طاقت رکھتا ہے۔