پاکستان ڈرامہ انڈسٹری کی نا مور اداکارہ حرامانی نے کہا ہے کہ انھوں نے سپر ہٹ ڈرامہ میرے پا س تم ہو صرف ایک انسان کی وجہ سے سائن کیا اور وہ شخص ڈرامے کے ہدایت کار ندیم بیگ ہیں۔

تفصیلات کے مطا بق اس سپر ہٹ ڈرامے میں ورسٹائل اداکارہ حرامانی ہانیہ نامی ٹیچر کا کردار اداکررہی ہیں جو ہمایوں سعید کے بیٹے رومی کی ٹیچر ہے، حرا نے ڈراما سائن کرنے کی وجہ بتاتے ہوئے کہا کہ میں نے صرف ایک انسان کی وجہ سے یہ ڈراما سائن کیا اور وہ شخص ڈرامے کے ہدایت کار ندیم بیگ ہیں۔

ذرائع کے مطابق ڈراما سیریل دو بول سے شہرت حاصل کرنے والی حرا مانی ان دنوں مقبول ترین ڈرامے’’میرے پاس تم ہو‘‘ میں نظر آرہی ہیں، جس میں ہمایوں سعید، عائزہ خان اور عدنان صدیقی مرکزی کردارنبھارہے ہیں جب کہ حرا کا کردار مختصر ہے۔

حرا مانی نے حال ہی میں ایک انٹرویو میں کھل کر گفتگو کی جب کہ کہانی کے متعلق کئی انکشافات بھی کیے ،انھوں نے بتا یا کہ ڈرامے میں میرا کردار مختصر ہے لیکن کبھی کبھی چھوٹی چیزوں سے آپ کو بڑا تجربہ ملتا ہے،ہدایت کار ندیم بیگ کا شمار پاکستان کے بڑے ہدایت کاروں میں ہوتا ہے یہی وجہ ہے کہ اس ڈرامے میں کام کرنے کا فیصلہ کیا جو کہ اچھا تجربہ ہے۔

حرا مانی نےپوچھے جانے والے سوال کہ عدنان صدیقی نے اپنے ایک انٹرویو میں کہا تھا کہ ڈرامے میں آگے جاکرایک قتل ہوگا کیا واقعی ایسا ہوگا؟ جس پرحرا نے کہا کہ ایک نہیں دو قتل ہوں گے تاہم حرا نے یہ بتانے سے گریزکیا کہ یہ قتل کس کردارکے ہوں گے۔