پاکستان شو بز انڈسٹری کے نا مور اداکار وگلو کار علی ظفر کا کہنا ہے کہ انہیں کئی بار میشا شفیع کی جانب سے معافی کے پیغامات آئے ہیں ۔

تفصیلات کے مطابق علی ظفر نے ایک نجی ٹی وی کو انٹر ویو دیتے ہو ئے انکشاف کیا ہے کہ جنسی ہراسانی کا الزام لگانے کے بعد میشا شفیع کی جانب سے انہیں کئی بارنجی طورپرمعافی کی پیشکش کی گئی۔

علی ظفر نے بتا یا کہ میشا شفیع نے مجھے پیغام بھیجوایاکہ میں عوامی سطح پر نہیں مگر نجی طور پر معافی مانگ لیتی ہوں مگرمیں نے یہ کہا کہ معافی عوامی سطح پرہونی چاہیئے، جہاں آپ نے کہا ہے معافی بھی وہیں ہونی چاہیئے۔

جنسی ہراسانی کے الزام کا عدالت میں کیس کا سامنا کر نے والے علی ظفر نے مزید بتا یا کہ کہ فتح بالآخر سچ کی ہوتی ہے اور جھوٹ ہار جاتا ہے چاہے اس میں وقت لگے۔

میشا شفیع پرپہلے میں نے کیس کیا تھا جس کے بعد انہوں نے مجھ پرجوابی کیس کیا تاہم میشا شفیع کے سارے کیسز خارج ہوچکے ہیں اورمیں کیس جیت چکا ہوں۔