پاپ میوزک کے بادشاہ اور دنیا کے نامور گلوکارمائیکل جیکسن کے بھتیجے بھی پاکستان کی خوبصورتی اورمہمان نوازی کےگن گانےلگے،جعفر جیکسن نے پاکستانیوں کو مہمان نواز قوم قرار دے دیا۔

تفصیلات کے مطابق مائیکل جیکسن کے بھتیجے جعفر جیکسن بھی پاکستان کی خوبصورتی اور پاکستانیوں کی مہمان نوازی کے معترف نظر آئے۔ پاکستانیوں کی جانب سےملنے والی محبت پرجیکسن  خاندان کا فرد بھی فدا ہوگیا۔

See more

حال ہی میں مائیکل جیکسن کے بھتیجے نے اسلام آباد کی ایک یونیورسٹی میں طلباسے خطاب کیا ہےجس کے دوران انہوں نے کہا کہ پاکستان ایک حسین ترین ملک ہے، یہاں کے لوگ بہت زیادہ محبت کرنے والے اور مہمان نواز ہیں، میں پاکستان سے ملنے والا پیار کبھی فراموش نہیں کرسکتا۔

جعفر جیکسن کا کہنا تھا کہ ’آپ لوگوں کی مہمان نوازی اور محبت بھرے انداز سے میں بہت زیادہ متاثر ہوا، آپ کی ملنساری نے مغربی میڈیا کے پیش کردہ منفی تاثرات کو غلط ثابت کردیا اور میرے اندر پائی جانے والی غلط فہمیاں بھی آپ کے اخلاق کو دیکھ کر دور ہوگئی ہیں‘۔

See more

اُن کا کہنا تھا کہ پاکستان اپنے مہمان کا گرم جوشی سے استقبال کرنے والے بااخلاق لوگوں کا ملک ہے، میں اب سوچ میں پڑ گیا ہوں کہ مغربی میڈیا پاکستان کے بارے میں کس قدرغلط بیانی سے کام لیتا ہے۔

خیال رہے کہ مائکیل جیکسن کے خاندان کا یہ فرد12 فروری کو دورے پر پاکستان پہنچاہے، انہوں نے بنا خوف و خطر وفاقی دارالحکومت میں سیروتفریح کی، وہ لاہور اور پھر کراچی کا بھی دورہ کریں گے جہاں وہ طالب علموں سے خطاب بھی کریں گے۔

See more

جعفرجیکسن اپنے دورے کے اختتام پر کراچی میں میڈیا سے گفتگو کریں گے اور پاکستان کے بارے میں اپنے تاثرات بیان کریں گے۔

واضح رہے کہ جعفر جیکسن پاپ گلوکار کے بھائی جرمین جیکسن کے صاحبزادے ہیں، جرمین نے 1989 میں اسلام قبول کیا تھا۔