نوبل انعام یافتہ ملالہ یوسف زئی اورپاکستان کےمعروف گلوکاروسماجی کارکن شہزادرائے کی شطرنج کا کھیل کھیلنےکی تصویر سوشل میڈیا پر وائرل ہوگئی۔

تفصیلات کےمطابق  گزشتہ روز معروف گلوکاروسماجی کارکن شہزادرائےنےسماجی رابطے کی ویب سائٹ انسٹاگرام پرایک تصویر شیئرکی جس میں شہزادرائے ملالہ یوسف زئی کے ہمراہ ہیں اور دونوں شطرنج کھیل رہے ہیں۔

شہزاد رائے نے اپنی تصویرکےکیپشن میں لکھاکہ’ملالہ جلدی سیکھنے والی ہیں یا شاید میں ایک اچھا اُستاد ہوں۔‘

See more

گلوکار کی اِس پوسٹ پرسوشل میڈیاصارفین نےکمنٹ کرکے بتایا کہ واقعی میں شہزاد رائےبہترین استاد ہیں۔

فائزہ امجد نامی صارف نے شہزاد رائے سے پوچھا کہ ’شطرنج میں کون جیتا؟‘

فارون نامی  صارف  نے   تعریف  کرتےہوئے ’’ دوعظیم دماغ ‘‘ لکھا ۔

واضح رہے کہ ملالہ یوسف زئی دُنیا کی کم عُمر ترین نوبل انعام یافتہ ہیں اور اُن کا نام برصغیر کے 100 ذہین ترین افراد میں بھی شامل ہے جبکہ شہزاد رائے کا شمار پاکستان کے نامور گلوکاروں میں ہوتا ہے اور اِس کے علاوہ شہزاد رائے سماجی کارکن بھی ہیں۔