دنیا بھر میں کرونا وائرس نے اپنے پنجے گاڑ لیے ہیں، آسکرایوارڈ یافتہ امریکی اداکار ٹام ہینکس اوران کی اہلیہ ریٹا ولسن بھی کرونا وائرس کا شکار ہوگئیں۔ اداکار نے یہ بات اپنے پرستاروں کو سوشل میڈیا اکاؤنٹ کے ذریعے بتائی۔

تفصیلات کے مطابق امریکی اداکار نے سوشل میڈیا پر لکھا کہ انہیں اور اہلیہ کو آسٹریلیا میں جسم میں درد ،سردی اور بخار محسوس ہوا۔ جس پر ٹیسٹ کرانے پر ان دونوں میں کرونا وائرس کی تشخیص ہوئی ہے۔ جس کے بعد ٹام ہینکس نے اہلیہ سمیت خود کو احتیاطی تدابیر کے تحت محدود کرلیا ہے۔

See more

ٹام ہینکس نے مزید لکھا کہ وہ اپنی اور اہلیہ کی صحت سے متعلق مداحوں کو آگاہ کرتے رہیں گے۔ انہوں نے لوگوں سے بھی اپنابھرپورخیال رکھنے کا کہا۔

63 سالہ ٹام ہینکس دو مرتبہ آسکر ایوارڈ اپنے نام کرچکے ہیں جبکہ سوشل میڈیا اکاؤنٹس پر ان کے فالوورز اور چاہنے والوں کی تعداد لاکھوں میں ہے