پاکستان فیشن انڈسٹری کی مقبول ماڈل ایان علی طویل عرصہ بعد ایک بار پھر سوشل میڈیا کے ذریعے مداحوں سے بات چیت کرتے نظر آرہی ہیں۔

تفصیلات کے مطابق 3روز قبل ایان نے سوشل میڈیا پر ایک پیغام جاری کیا تھا جس میں انہوں نے مداحوں سے حال احوال پوچھا تھا، تاہم ایک بار پھر انہوں نے ایک اور پیغام سوشل میڈیاپرجاری کیاجس میں مداحوں کا شکریہ ادا کیاگیا ہے۔

ایان علی نے اپنے پیغام میں لکھا کہ مجھے امید ہے کہ آپ سب خیریت سے ہوں گے، ساتھ ہی انہوں نے اپنے چاہنے والوں کو بتایا کہ مجھے بہت فخر ہے کہ میرا گانا ’ارتھ کوئک‘ جو کہ میں نے 5 سال قبل ریلیز کیا تھا اسے اب تک لوگ سن رہے ہیں۔

See more

سپر ماڈل  نے لکھا کہ مجھے بہت اچھا لگتا ہے کہ آپ تمام لوگوں کی جانب سے بے شمار پیار ملتا ہے۔

ماڈل ایان علی نے اپنے کام کے حوالے سے مداحوں کو بتایا کہ بہت کچھ ہے جس پر میں کام کر رہی ہوں اور انشاءاللہ جلد یہ آپ سب کے سامنے ہوگا۔

یاد رہے کہ ایان علی کو 14مارچ 2015ء کو اسلام آباد سے دبئی جاتے ہوئے بینظیر بھٹو ائیرپورٹ پر کسٹم اہلکاروں نے حراست میں لیا گیا تھا اور ان کے پاس سے 5 لاکھ ڈالرز برآمد ہوئے تھے۔

بعد ازاں ماڈل کے خلاف کرنسی اسمگلنگ کا مقدمہ درج کیا گیا جس پر انہیں جیل کی ہوا بھی کھانی پڑی جب کہ ان کا نام ای سی ایل میں بھی ڈالا گیا۔

تاہم ایان علی کا نام ای سی ایل سے نکالے جانے کے بعد وہ بیرون ملک روانہ ہوگئیں تھیں اور مقدمے کی کئی سماعتیں بھی ہوئیں جن میں وہ عدالت نہیں آئیں۔