پاک فوج کے شعبہ تعلقات عامہ آئی ایس پی آر کے اشتراک سے بننے والے ڈرامے ‘عہد وفا’ کی آخری قسط آج ٹی وی پر ہی ریلیز ہوگی۔

اس سلسلے میں یہ با ت قابل ذکر ہے کہ ‘عہد وفا’ کی آخری قسط  پاکستان بھر میں سنیما گھروں میں نمائش کے لیے پیش ہونے وا لی تھی تاہم ملک میں کرونا وائرس کے پھیلاؤ اور حکومت کی جانب سے سنیما گھر بند ہو نے کے اعلان کے بعد پروڈیوسرز نے یہ فیصلہ منسوخ کردیا۔

نجی ٹی وی کے ترجمان نے میڈیا سے بات کرتے ہوئے بتایا کہ ‘عہد وفا’ کی آخری قسط ہر بار کی طرح اتوار کے روز ٹی وی پر ہی ریلیز ہوگی۔

واضح رہے کہ اس ڈرامے کی کہانی 4 دوستوں پر مبنی ہے جو اسکول میں ہوئے ایک جھگڑے کے بعد ایک دوسرے سے دور تو ہوجاتے ہیں لیکن ہمشیہ ساتھ گزارے لمحات کو یاد کرکے باقی زندگی گزارتے ہیں۔