پاکستان شوبز انڈسٹری کی خوبرو نا مور اداکارہ و ماڈل سونیا حسین نے اپنے مداحوں سے کہا ہے کہ خبردار! جو مجھے کسی نے پاگل کہا۔

تفصیلات کے مطابق سونیا حسین نے ذہنی صحت کی طرف توجہ مبذول کرواتے ہوئے سماجی را بطے کی ویب سائٹ ٹوئٹر پر ایک پیغام شیئر کیا ہے۔

See more

اداکارہ نے سوشل میڈیا پر لکھا ہے کہ اگر آپ اپنی ذہنی صحت کے حوالے سے بات کرتے ہوئے کتراتے  ہیں یا شرمندگی محسوس کرتے ہیں تو براہِ مہربانی آپ ایک بار جا کر اس کی تعریف کا جائزہ لیں۔

انھوں نے کہا کہ ذہنی مسائل کا شکار افراد بھی اسی عزت و احترام کے مستحق ہیں جیسے عارضہ قلب میں مبتلا مریض ۔

سونیا حسین کا کہنا ہے کہ وقت آ گیا ہے کہ کسی بھی شکل میں ذہنی بیماری کیلئے شرم محسوس کرنے کو ختم کیا جائے۔

واضح رہے کہ اپنی آنے والی نئی ڈرامہ سیریل میں سونیا ایک ایسی ہی لڑکی کا کردار ادا کررہی ہیں  جسے ذہنی مسائل کا سامنا ہے۔