صحرائے میں غذائی قلت اور دیگر بیماریوں کے باعث سول اسپتال مٹھی میں مزید 3 بچے انتقال کرگئے۔

محکمہ صحت نے بھی غذائیت کی کمی اور دیگر امراض کے باعث مزید 3 بچوں کے انتقال کی تصدیق کر دی ہے۔

محکمہ صحت سندھ کےمطابق رواں ماہ وبائی امراض سے جاں بحق ہونے والے بچوں کی تعداد 27  ہو گئی ہے رواں سال غذائی کمی اور دیگر بیماریوں کی وجہ سے اب تک 607  بچے انتقال کر چکے ہیں۔

خیال رہے کہ سال 2019 میں سامنے آنے والے ایک سروے کے مطابق سندھ میں پانچ سال سے کم عمر کے 50 فیصد بچوں کوغذائی قلت کا سامنا تھا۔ 2109ء میں ضلع کےسرکاری اسپتالوں میں 820  بچے جاں  بحق ہوئےتھے ۔ ۔

سال 2018 میں 505 بچے بھوک اور امراض کی وجہ سے مرجھا گئے تھے جبکہ 2017 میں بھی 445، سال 2016 میں 489، 2015 میں 398 اور 2014 میں 326 بچے جاں بحق ہوئے تھے۔