پاکستان ڈرامہ و فلم انڈسٹری کے با صلاحیت اداکار،ماڈل اور میزبان محب مرزا نے آج کل کے ڈراموں کو بے ہودہ کہہ دیا ہے۔

تفصیلات کے مطابق محب مرزا نے ایک ویب سائٹ  کو دیئے گئے انٹرویو میں کھل کر گفتگو کرتے ہوئے کہاکہ آج کا ڈرامہ بے ہودہ اور مخصوص کہانیوں میں پھنس کر رہ گیا ہے، آج کل جو ڈرامے دکھائے جا رہے ہیں اس میں مردوں کے کردار کو کم کر دیا گیا ہے، کہیں اس کو بہت ہی منفی تو کہیں مثبت دکھایا جا رہا ہے۔

See more

انھوں نے کہاکہ جس طرح سے کہانیوں میں رشتوں کا مذاق اڑایا جا رہا ہے میں اس طرح کے رواج کو بڑھاوا دینے کے بہت خلاف ہوں، یہ مناسب نہیں ہے کہ ایک مرد پہلے عورت کو تھپڑ مار کر پھر اس سے معافی مانگے، ہم بچوں کو ایسے ڈرامے دکھا کر کیا بتانا چاہ رہے ہیں کہ ہم دروازہ بند کر کے عورت پر ظلم کر سکتے ہیں۔

See more

محب مرزا نے مزید کہاکہ بس یہی وجہ تھی کہ میں ایسے ڈراموں اور کہانیوں کے خلاف ہو گیا اور ایک جیسی کہانیوں کی وجہ سے ہی اکتا کر چار سال کام نہیں کیا۔