جہاں ایک طرف موٹر وے زیادتی کیس پر پورا ملک سراپا احتجاج ہے وہی پاکستان شوبز انڈسٹری کی مایہ ناز اداکارہ بشری انصاری نے بھی سوشل میڈیا پر اپنی آواز بلند کی ہے۔

تفصیلات کے مطابق بشریٰ انصاری نے انسٹاگرام پر اس دل دہلا نے والے واقعے کے بارے میں اپنے خیالا ت کا اظہار کر تے ہوئے لکھا ہے کہ زیادتی کے مجرموں کے ہاتھ اور پاؤں توڑ کر ان کی جنسی صلاحیت ختم کردینی چاہیے۔

See more

انھوں نے کہا کہ میں چاہتی ہوں زیادتی کے مجرموں کو زندہ رکھا جائے، انہیں پھانسی نہ دی جائے بلکہ ان کو ہاتھ، پاؤں اور ان اعضاء کے بغیر زندگی گزارنے دی جائے جس سے وہ خواتین کی زندگی کو برباد کرتے ہیں۔

مایہ ناز اداکارہ کا کہنا ہے کہ ایسے افراد کی جنسی صلاحیت ختم کرکے ان کے ہاتھ اور پاؤں کو توڑدینا چاہیے تاکہ دوسروں کے لیے عبرت کا نشان بن جائیں۔

انھوں نے مزید لکھا کہ زیادتی کے مجرموں کو بھی اسی درد کے ساتھ زندہ رہنا چاہیے جو درد ہر روز ریپ کا شکار یا تیزاب سے جلائی گئی خواتین اور وہ والدین  محسوس کرتے ہیں۔

بشری انصاری نے اپنے پیغام کے اختتام پر لکھا کہ  یہ سب ملک میں اس وقت تک ہوتا رہے گا جب تک زیادتی کے مجرمان کو ایسی سزائیں نہ دی جائیں کیوں کہ پھانسی تھوڑی دیر کی سزا ہوتی ہے لہذا ان افراد کو ایسی سزا دیکر عبرت کا نشان بنانا  چاہیے۔