نامور اداکارہ و ہدایتکارہ سنگیتا بھی عالمی وبا کا شکار

شبین رضا

18th Dec, 2020. 11:34 am
شيئر

پاکستان فلم اور ٹی وی کی سینئیر ورسٹائل اداکارہ و فلمساز سنگیتا بھی کورونا وائرس کا شکار ہوگئیں۔

تفصیلات کے مطابق اداکارہ و ہدایت کارہ سنگیتا کا کہنا ہے کہ چند دنوں سے طبیعت خراب تھی ٹیسٹ کروائے تو رپورٹ مثبت آگئی۔

سنگیتا نے کورونا ٹیسٹ مثبت آنے کے بعد خود کوکراچی میں اپنی رہائشگاہ میں قرنطینہ کرلیا ہے اور مداحوں سے دعائے صحت کی اپیل کی ہے۔

واضح رہے کہ سنگیتا سے قبل پاکستان شوبز انڈسٹری کی متعدد شخصیات بھی کورونا وائرس میں مبتلا ہو چکی ہیں جن میں اداکارہ ماہرہ خان، ندا یاسر، نیلم منیر، روبینہ اشرف ،بہروز سبزواری ، عثمان مختار، علیزے گبول اور دیگر شامل ہیں۔