پاکستان شوبز انڈسٹری کے نامور اداکار اور ماڈل عمران عباس نے ایک انٹرویو میں شادی کے بارے میں انکشاف کرتے ہوئے کہا ہے کہ اب مجھے شادی کی ضرورت محسوس ہوتی ہے۔

شادی سے متعلق انٹرویو میں عمران عباس کا کہنا تھا کہ میں ذہنی ہم آہنگی رکھنے والی کسی ساتھی کی تلاش میں ہوں اور جب مجھے ایسی کوئی لڑکی مل جائے گی تو میں فوراً شادی کرلوں گا۔

نامور اداکار عمران عباس کے انٹرویو کے بعد سوشل میڈیا صارفین کی جانب سے مختلف ٹوئٹ کیئے جارہے ہیں کہ عمران عباس جلد علیزے شاہ سے شادی کرنے والے ہیں۔

کچھ روز قبل فوٹو اینڈ ویڈیو شیئرنگ ایپ انسٹاگرام پر اداکار عمران عباس سے مداحوں نے ان کی شادی، پسند کی لڑکی اور ان کی خوبصورتی سمیت ان کی تعلیم سے متعلق سوالات کیے تھے جس کے جواب میں اداکار نے انکشاف کیا کہ انہوں نے بیچلر تک تعلیم حاصل کر رکھی ہے۔

ایک صارف نے اپنی خواہش کا اظہار کرتے ہوئے کہا کہ وہ عمران عباس کی شادی دیکھنے کے خواہاں ہیں، جس پر اداکار نے ’می ٹو‘ لکھا، یعنی وہ خود بھی اپنی شادی دیکھنے کے خواہاں ہیں۔