گلوکار سجاد بیلا نے پلاک لوک اسٹوڈیو میں صوفیانہ کلام کی ویڈیوز ریکارڈنگ مکمل  کروادی۔

تفصیلات کے مطابق ڈی جی پلاک ڈاکٹر صغریٰ صدف نے اپنے بیان میں کہا کہ صوفیا کے کلام کوعام کرنے میں پلاک لوک اسٹوڈیو میں مختلف انداز میں ریکارڈنگ کا سلسلہ شروع کیا ہے۔

ڈاکٹر صغریٰ صدف نے یہ بھی کہا کہ صوفیاء کے کلام کوعام کرکے معاشرے میں رواداری کا ماحول قائم کرنے میں پلاک اپنا کردار ادا کررہا ہے

اس موقع پر ڈائریکٹر عاصم چودھری نے کہا کہ صوفیا نےاپنے پیغام سے امن و محبت کی بات کی ہے جبکہ ڈائریکٹر لوک اسٹوڈیو حاقان حیدر غازی نے کہا کہ پلاک جدید طرز بیان سے صوفیاء کا کلام لوگوں تک پہنچا رہا ہے۔

ذرائع کے مطابق صوفیانہ کلام کی موسیقی موسیقار وجاہت حسین نے ترتیب دی جبکہ ویڈیو ریکارڈنگ ڈائریکٹر لوک اسٹوڈیو حاقان حیدر غازی کی زیر نگرانی مکمل ہوئی جبکہ صوفیانہ کلام پر مبنی ریکارڈنگ اگلے ہفتے ریلیز کی جائے گی۔