پاکستانی فلم انڈسٹری کے لیجنڈ اداکار محمد علی کی پندرہویں برسی آج منائی جا رہی ہے۔

محمد علی نے 300 فلموں میں کام کیا، ان کی مشہور فلموں میں داغ، بازی، خاموش رہو، توبہ، آئینہ اور صورت، سلاخیں اورجیسے جانتے نہیں نمایاں ہیں۔

محمد علی نے 35 سال پاکستان فلم انڈسٹری پر راج کیا، ان کی اداکاری اور ڈائیلاگ آج بھی زبان زد عام ہیں۔

انہیں 1984 میں پرائیڈ آف پرفارمنس سے نوازا گیا اور محمد علی وہ واحد اداکار ہیں جن کو حکومت پاکستان کی جانب سے تمغہ امتیاز سے نوازا گیا تھا۔

وہ 19 مارچ، 2006 کو اس دار فانی سے کوچ کر گئے لیکن ان کی یادیں آج بھی ہمارے دلوں میں زندہ ہیں۔

شہنشاہ جذبات کا خطاب پانیوالے اداکار کی سپرہٹ فلمیں شائقین کو آج بھی ان کی یاد دلاتی ہیں۔

محمد علی ایک انتہائی نرم دل اور انسان دوست شخصیت کے طور پر بھی مشہور تھے۔