بھارت میں سوشل میڈیا پر ایک ویڈیو تیزی سے وائرل ہورہی ہے جس سے متعلق کہا جارہا ہے کہ کلب کے باہر اجے دیوگن کی پٹائی کی گئی ہے۔

سوشل میڈیا پر نیو دہلی میں کلب کے باہر جھگڑے کی ویڈیو تیزی سے  وائرل ہورہی ہے جس میں دیکھا جاسکتا ہے کہ کچھ افراد ایک شخص کو مار پیٹ رہے ہیں اور سوشل میڈیا صارفین کا کہناہے کہ یہ کوئی اور نہیں بلکہ معروف بھارتی اداکار اجے دیوگن ہے۔

سوشل میڈیا صارفین کا کہناہے کہ اجے دیوگن نے کسانوں کے احتجاج پر حکومت کا ساتھ دیا اور معاملے پر مکمل خاموشی اختیار کی جس کی وجہ سے انہیں لوگوں کیجانب سے تشدد کا نشانہ بنایا گیا ہے۔

@ABPNews as news spreading weather Ajay Devgan beaten badly by kisaan support er in delhi please check… pic.twitter.com/OF7W24bkjC

Advertisement

— Waseem (@waseem_cmt) March 29, 2021

ویڈیو میں بھارتی اداکار کا چہرہ واضح نہیں تاہم سوشل میڈیا صارفین کا دعویٰ ہے کہ یہ شخص اجے دیوگن ہے۔

دوسری جانب اجے دیوگن کے ترجمان کا ردعمل سامنے آیا ہے جس کے مطابق دہلی میں کلب کے باہر اداکار کے جھگڑے کی خبریں بے بنیاد ہیں۔

بھارتی اداکار کے ترجمان کا کہناہے کہ ویڈیو میں نظر آنے والا شخص اجے دیوگن کا ہم شکل ہوسکتا ہے تاہم اداکار کا اس لڑائی سے کوئی تعلق نہیں ہے۔

ترجمان نے بتایا کہ اجے دیوگن فلم کی شوٹنگ کے لیے گزشتہ 14 مہینوں سے نیو دہلی سے باہر گئے ہوئے ہیں۔

اجے دیوگن نے ویڈیو پر ردعمل دیتے ہوئے ٹوئٹر پر بیان جاری کیا ہے جس میں انہوں نے جھگڑے کی خبروں کو بے بنیاد قرار دیتے ہوئے کہا ہے کہ ایسا لگتا ہے میرا کوئی ہم شکل مشکل میں ہے جبکہ مجھے جھگڑے سے متعلق کالز موصول ہورہی ہیں۔

Some ‘doppelgänger’ of mine seems to have got into trouble.
I’ve been getting concerned calls. Just clarifying, I’ve not traveled anywhere. All reports regarding me being in any brawl are baseless. Happy Holi

— Ajay Devgn (@ajaydevgn) March 29, 2021

خیال رہے کہ چند روز قبل سوشل میڈیا پر کسانوں کے احتجاج کے معاملے پر اجے دیوگن اور ایک صارف کے درمیان نوک جھوک ہوئی تھی جس کے بعد صارف نے فلم کی شوٹنگ کے دوران اجے دیو گن کی گاڑی کا راستہ روکا تھا جس پر پولیس نے کارروائی کرتے ہوئے صارف کو دھر لیا تھا۔