پاکستان کی ابھرتی ہوئی اداکارہ شہزین راحت رشتہ ازدواج میں منسلک ہوگئی ہیں۔

فوٹو اینڈ ویڈٰو شیئرنگ ویب سائٹ انسٹاگرام پر اداکارہ کی نکاح کی تصاویر اور ویڈیوز وائرل ہورہی ہیں جن میں اداکارہ سفید اور سرخ رنگ کے عروسی لباس پہنے نکاح نامے پر دستخط کررہی ہیں۔

تصاویر میں دیکھا جاسکتا ہے کہ اداکارہ اہلخانہ اور دوستوں کے ساتھ نکاح کی تقریب میں خوشگوار موڈ میں ہیں لیکن اب تک یہ واضح نہیں ہوسکا ہے کہ اداکارہ کے شوہر کس شعبے سے تعلق رکھتے ہیں۔

واضح رہے کہ شہزین راحت پاکستان شوبز انڈسٹری کے متعدد ڈراموں اور فلموں میں معاون اداکارہ کے طور پر اداکاری کے جوہر دکھا چکی ہیں۔