پاکستانی اداکارہ زارا نور عباس نے کہا ہے کہ وزن کم ہو یا زیادہ اگر آپ خوش ہیں تو کوئی فرق نہیں پڑتا۔

تفصیلات کے مطابق انسٹاگرام پر اداکارہ زارا نور عباس کی ایک ویڈیو وائرل ہورہی ہے جس میں انہیں باڈی شیمنگ کے حوالے سے گفتگو کرتے ہوئے دیکھا جاسکتا ہے۔

[amazonad category=”Auto”]

انہوں نے کہا کہ پوری دنیا اس وقت باڈی شیمنگ سے انکار کررہی ہے اگر آپ موٹے ہیں پتلے یا پھر کالے آپ کو اللہ نے بنایا ہے اللہ نے آپ کو ویسا ہی بنایا ہے جیسے آپ ہیں کیوں کہ اللہ نے آپ کو ایسا ہی بنانا تھا۔

زارا نور کا کہنا تھا کہ اگر آپ خوش ہیں تو وزن زیادہ ہو یا کم پھر کوئی فرق نہیں پڑتا۔

نور عباس نے مزید کہا کہ دنیا کے امیر و کبیر لوگ ایسے بھی  ہیں جن کے پاس ذہنی سکون نہیں ہے۔

اداکارہ زارا نور عباس نے خواتین کو پیغام دیتے ہوئے کہا کہ اگر آپ وزن کی وجہ سے ناخوش اور فکرمند ہیں تو ہر گز نہ ہوں کیوں کہ میں بھی نہیں ہوتی۔