بھارتی پنجابی گلوکار عمران خان عرف خان صاحب کو گرفتار کرلیا گیا ہے۔

ٹائمز آف انڈیا کے مطابق بھارتی پنجابی گلوکار عمران خان کو ان کے تین دوستوں سمیت کورونا ایس او پیز کی خلاف ورزی کرنے پر گرفتار کیا گیا۔

پولیس کے مطابق گلوکار عمران خان پنجاب کے ضلع کپور تھالا کے علاقے ستنمپورہ میں رات کے وقت اپنے دوستوں ہرپریت سنگھ، دلباغ محمد اور اعجاز کے ہمراہ بینڈ باجے کے ساتھ سالگرہ منارہے تھے جبکہ رات کے وقت کورونا کی وجہ سے کرفیو لگا ہوا تھا۔

ستنمپورہ کے ایس ایچ او نے گلوکار اور اس کے دوستوں کو گرفتار کرنے کی تصدیق کرتے ہوئے کہا ہے کہ انہیں آئی پی سی کے سیکشن 188 اور 51 کے تحت گرفتار کیا گیا ہے۔

واضح ہرے کہ گزشتہ ماہ مئی میں بھارتی پنجاب کے معروف گلوکار اور اداکار گپی گریوال کو بھی ان کے عملے سمیت کووڈ 19 ایس او پیز کی خلاف ورزی کرنے پر گرفتار کیا گیا تھا۔