گزشتہ ہفتے اقراء عزیز اور یاسر حسین کے گھر ایک ننھے مہمان کی آمد ہوئی ہے جس کا نام انہوں نے کبیر حسین رکھا ہے۔

تاحال اقراء عزیز اور یاسر حسین کی جانب سے بچے کی کوئی واضح تصویر سوشل میڈیا پر جاری نہیں کی گئی ہیں لیکن کبیر حسین  کو ملنے والے تحائف کے متعلق ضرور بتایا گیا ہے۔

حال ہی میں اداکار و ہدایتکار یاسر حسین نے اپنے انسٹاگرام اکاؤنٹ پر اپنے صاحبزادے کبیر کے ننھے ہاتھ کی تصویر شیئر کی ہے۔

یاسر حسین کی اس پوسٹ میں دیکھا جاسکتا ہے کہ کبیر کے ننھے ہاتھ کی انگلی میں ایک سونے کی انگوٹھی موجود ہے۔

اس انگوٹھی کے حوالے سے یاسر حسین نے بتایا ہے کہ کبیر کو یہ تحفہ ان کی پھپھو سونیا حسین کی جانب سے دیا گیا  ہے۔

خیال رہے کہ اداکارہ سونیا حسین حال ہی میں کبیر حسین سے ملنے کے لئے اقراء اور یاسر کے گھر گئیں تھی۔

دوسری جانب  اقراء عزیز کے گھر والوں کی طرف سے نواسے کو سونے کی چین اور کچھ کپڑے تحفے میں دیئے گئے ہیں البتہ اس بات میں مکمل صداقت نہیں کیونکہ یہ سوشل میڈیا پر بتایا جا رہا ہے۔