معروف بھارتی اداکار اور سماجی کارکن سونو سود نے گزشتہ روز اپنی 48 ویں سالگرہ منائی۔

بھارتی اداکار کی سالگرہ کے موقع پر ممبئی میں واقع ان کی رہائش گاہ پر سیکڑوں مداح اپنے ہر دلعزیز اداکار کو سالگرہ کی مبارکباد دینے کے لئے گلدستے، کارڈز اور کیک لے کر پہنچے۔

ان ہی میں شامل ایک مداح کی ویڈیو سوشل میڈیا پر وائرل ہوگئی ہے جس نے اداکار کو منفرد انداز میں خراجِ تحسین پیش کیا۔

اس مداح نے سونو سود کے لئے ان کے ساتھ کھڑے ہوکر زبان سے پینٹنگ بنائی۔

خیال رہے اس سے قبل بھی ایک مداح نے اپنے خون سے سونو کی تصویر بنائی تھی جس کی ویڈیو سوشل میڈیا کے پلیٹ فارمز پر تیزی سے وائرل ہوگئی تھی۔