بھارتی  اداکارہ و ماڈل شمیتا شیٹی کی جانب سے ان کے بہنوئی کی گرفتاری پر ردعمل سامنے آیا ہے۔

میڈیا رپورٹس کے مطابق شمیتا شیٹی نے اپنی بڑی بہن شلپا شیٹی کی حوصلہ افزائی کرتے ہوئے کہا ہے کہ، یہ وقت مشکل ضرور ہے لیکن مجھے یقین ہے کہ یہ برا وقت بھی گزر جائیگا‘۔

اپنے انسٹاگرام اکاؤنٹ پر شلپا شیٹی کی نئی فلم کا پوسٹر شیئر کرتے ہوئے انہوں نے اپنی بہن کے لئے لکھا ہے کہ ’میں جانتی ہوں کہ آپ نے اپنی زندگی میں بہت سے اتار چڑھاؤ کا سامنا کیا ہے اور اس مشکل وقت میں بھی آپ ثابت قدم رہیں گی‘۔

اسکے علاوہ اداکارہ نے اپنی بہن شلپا شیٹی کو ان کی 14 سال بعد آنے والی بالی وڈ فلم کے لئے گڈ لک بھی وش کیا ہے اور نیک تمناؤں کا اظہار بھی کیا ہے۔

واضح رہے کہ ممبئی پولیس کے کرائم برانچ میں راج کندرا کے خلاف فحش فلمیں بنانے اور پھر انہیں موبائل ایپس پر اپ لوڈ کرنے کا کیس رواں سال فروری میں درج کیا گیا تھا۔

 ممبئی پولیس کے کمشنر نے ایک بیان میں تصدیق کرتے ہوئے کہا تھا کہ کرائم برانچ میں فروری میں فحش فلمیں بنانے اور انہیں اپیس پر اپ لوڈ کرنے کا کیس درج ہوا تھا۔

پولیس نے راج کندرا کے لئے بتایا کہ ہم نے راج کندرا کو اس کیس میں 19 جولائی کو گرفتار کرلیا ہے اور ہمارے پاس کافی ثبوت موجود ہیں۔