بالی ووڈ اداکار اجے دیوگن نے اپنے باڈی گارڈ گوتم کی سالگرہ میں شرکت کر کے  اُسے خوش کردیا۔

غیر ملکی خبر رساں ادارے کے مطابق اجے دیوگن نے اپنے باڈی گارڈ کی سالگر ہ میں شرکت کی اور اُسے کیک بھی کھلایا ،جس کے بعد گوتم کی جانب سے انسٹا گرام پراجے دیوگن کے ساتھ تصاویر شیئر کی گئیں۔

شئیر کی گئی تصاویر کے کیپشن میں گوتم نے اجے دیوگن کا شکریہ ادا کرتے ہوئے لکھا کہ میں نے اپنا خاص دن اپنے باس کے ساتھ منایا، آج میں جو کچھ بھی ہوں صرف اپنے باس کی وجہ سے ہوں، میری سالگرہ کو خاص بنانے کے لئے شکریہ۔

[amazonad category=”Electronics”]

اس تصاویر میں اجے دیوگن کو سفید داڑھی میں دیکھا جا سکتا ہے، ان کے فینز کی جانب سے اجے کے اس نئے روپ کی کافی تعریف کی جارہی ہے۔

پیشگوئی کی جارہی ہے کہ  اجے دیوگن  اپنی نئی آنے والی کامیڈی فلم ‘تھینک گاڈ’ میں اسی  روپ میں دکھائی دیں گے۔