عالمی شہرت یافتہ پاکستانی گلوکار عاطف اسلم نے اپنی نئی میوزک ویڈیو ‘رفتہ رفتہ’ کی پہلی جھلک سوشل میڈیا پر جاری کر دی ہے۔

اس میوزک ویڈیو میں پاکستان کی ہر دلعزیز اداکارہ سجل علی بھی اپنی خوبصورتی کے جلوے بکھیرتی نظر آئیں گی۔

[amazonad category=”Auto”]

عاطف اسلم نے فوٹو اینڈ ویڈیو شیئرنگ ایپ انسٹاگرام پر اپنی نئی میوزک ویڈیو کا پوسٹر شیئر کیا ہے جس پر عاطف اسلم کے ساتھ اداکارہ سجل علی کو بھی دیکھا جاسکتا ہے۔

انہوں نے یہ پوسٹر شیئر کرتے ہوئے لکھا کہ محبت کو اس طرح محسوس کریں جیسے کبھی نہ کی ہو۔

دوسری جانب اداکارہ سجل علی نے بھی اپنے انسٹاگرام اکاؤنٹ سے اس میوزک ویڈیو کا پوسٹر شیئر کیا ہے۔

ترون چوہدری اور عمر احمد کی پروڈیوس کردہ اس میوزک ویڈیو کی ہدایات حسام بلوچ نے دی ہیں جبکہ میوزک اور بول مشہور پنجابی سنگر راج رنجودھ نے لکھے ہیں۔

واضح رہے کہ یہ میوزک ویڈیو تارش میوزک کے بینر تلے ریلیز ہورہی ہے۔