حرا مانی، پاکستان کی ان اداکاروں میں شمار ہوتی ہیں جو اپنی خوبصورتی کے علاوہ قابلیت اور کام کی وجہ سے جانی جاتی ہیں۔

اداکارہ کا شوخ اور چنچل مزاج ان کے کردار کی عکاسی کرتا ہے اور ان کا معصومانہ انداز ہر کسی کو اپنا گرویدہ بناتا ہے۔

حال ہی میں اداکارہ حرا مانی نے اپنے انسٹاگرام اکاؤنٹ کے ذریعے ایک واضح پیغام جاری کیا ہے۔

اداکارہ حرا مانی کی جانب سے یہ پیغام دنیا کی تمام عورتوں، بچیوں اور سب لڑکیوں کے لئے جاری کیا گیا ہے۔

اس پیغام کے ذریعے حرا مانی نے عورتوں کے لئے کہا ہے کہ ’یہ پڑھیں یا چاہے کام کریں، انہیں ہر دم آگے بڑھنا ہے‘۔

حرا مانی نے اپنے پیغام میں مزید کہا ہے کہ ، ’یہ گھر میں ہوں یا باہر ہوں، انہیں چین سے جینا ہے‘۔

اس کے ساتھ ہی اداکارہ نے پاکستانی گلوکار جواد احمد کا عورت پر بنایا گیا گانا بھی شیئر کیا ہے۔

خیال رہے کہ گزشتہ دنوں پاکستان بھر میں کچھ ایسے سنگین واقعات ہوئے ہیں جس کے بعد ہر اداکار عورتوں اور ان کی خفاظت کے لئے اپنی آواز کو بلند کر رہا ہے۔