بالی ووڈ اداکارہ راکھی ساونت نے بگ باس او ٹی ٹی پر مشتمل شو میں شامل نہ کیے جانے پر انوکھا احتجاج کیا۔

راکھی ساونت کو منگل کے روز اسپائیڈر مین کے لباس میں بگ باس کے گھر کے باہر دیکھا گیا جہاں انہوں نے بگ باس شو کی ڈیجیٹل اقساط میں شامل نہ کیے جانے پر منفرد انداز میں دھرنا دیا۔

راکھی ساونت نے صرف اسپائیڈر مین کا لباس زیب تن نہیں کیا بلکہ انہوں نے اپنے چہرے پر اسپائیڈر مین کا ماسک بھی پینٹ کروایا اور اپنے ساتھ اسی میچنگ کا سوٹ کیس بھی لائیں۔

دھرنے کے دوران راکھی ساونت نے چیختے ہوئے کہا کہ بگ باس مجھے اندر بلاؤ، تم نے مجھ سے وعدہ کیا تھا ۔

موجود کیمرا مین بھی ان کے اس منفرد دھرنے پر ہنستے رہے جبکہ سوشل میڈیا پر بھی ان کی ویڈیو وائرل ہوگئی ہے  جس پر کچھ صارفین نے راکھی کا مزاق اُڑایا تو کسی نے ان کی پر اعتمادی کی تعریف کی۔

اس ویڈیو کے کیپشن میں راکھی ساونت نے لکھا کہ میں ناراض ہوں بگ باس او ٹی ٹی، یہ کیا ہے؟ شو کا نام او ٹی ٹی اور او ٹی ٹی کی شہزادی کو ہی نہیں بلایا، بگ باس میں آپ کی پہلی بیوی ہوں اور میں آرہی ہوں۔

یاد رہے کہ راکھی ساونت بگ باس سیزن 14 میں حصہ لے چکی ہیں۔