دنیا بھر میں مشہور سلطنت عثمانیہ پر بننے والی مشہور ترک سیریز ارطغرل غازی کے سیکوئل کورولش عثمان کے مرکزی کردار عثمان کی اہلیہ بالا خاتون کا کردار ادا کرنے والی تُرک اداکارہ اوزگے تورر نے گذشتہ روز اپنی 23 ویں سالگرہ منائی ہے۔

تُرک اداکارہ اوزگے تورر کے ساتھی اداکاروں نے بھی ان کے لئے اپنی نیک خواہشات کا اظہار کیا اور سالگرہ کی مبارکباد دی۔

کورولش عثمان میں ارطغرل غازی کے سب سے بڑے بیٹے گوندوز بے کا کردار ادا کرنے والے اداکار ایمرے بسالک نے اوزگے تورر کو سالگرہ کی مبارکباد دینے کے لئے خصوصی انسٹا اسٹوری شیئر کی۔

کورولش عثمان میں مرکزی کردارعثمان بے کی دوسری بیوی ملہان خاتون کا کردار اداکرنے والی اداکارہ یلدزچاغر اتیکسوئے نے بھی اپنی انسٹا اسٹوری پر اوزگے تورر کے ساتھ اپنی ایک سیلفی شیئر کرتے ہوئے انہیں سالگرہ کی مبارکباد دی۔

واضح رہے کہ اوزگے تورر نے ترک سیریز میں اپنی جاندار اداکاری کے جوہر دکھا کر دنیا بھر میں مقبولیت حاصل کی ہے۔