لیجنڈری پاکستانی گلوکار نصرت فتح علی خان کی 24ویں برسی پر راحت فتح علی خان نے دل کو چھولینے والا خراج عقیدت پیش کیا ہے۔

راحت فتح علی خان نے فوٹوز اینڈ ویڈیوز شیئرنگ ایپ انسٹاگرام پر نصرت فتح علی خان کا پوٹریٹ شیئر کیا۔

انھوں نے اس کے ساتھ لکھا کہ لیجنڈ استاد نصرت فتح علی خان ہمیشہ ہمارے دلوں میں ہیں جبکہ اس کے ساتھ انھوں نے دل کی ایموجی بھی بنائی۔

راحت نے مزید کہا کہ صرف ایک نصرت ہوسکتا ہے، میرا رہنما اور میرا استاد۔

خیال رہے کہ آج شہنشاہ قوالی استاد نصرت فتح علی خان کی 24ویں برسی منائی گئی۔

واضح رہے کہ نصرت فتح علی خان نے اپنے فن کی بدولت متعدد اعزازات اپنے نام کیے جبکہ موسیقی کے میدان میں ان کی خدمات پر انھیں صدارتی تمغہ حسن کارکردگی سے بھی نوازا گیا تھا۔

فیصل آباد میں 13 اکتوبر 1948 کو پیدا ہونے والے دنیا کے یہ عظیم قوال 48 برس کی عمر میں 1997 میں انتقال کرگئے تھے۔