لیجنڈری گلوکار سجاد علی نے اپنی 55 ویں سالگرہ کے موقع پر اپنا جلد ایک نیا گانا جاری کرنے کے حوالے سے مداحوں کو خوشخبری سُنادی۔

انہوں نے سوشل میڈیا سائٹ ٹوئٹر پر سالگرہ کے پیغامات شیئر کرنے والوں کا شکریہ ادا کیا۔

Thanks to my family, friends, media and specially my FANS for the countless birthday wishes ❤️❤️ from the sets of my upcoming national song 🇵🇰 pic.twitter.com/YmsO5n0nHQ

— Sajjad Ali (@sajjad_official) August 24, 2021

سجاد علی نے مختصر ویڈیو پیغام شیئر کرتے ہوئے کہا کہ میری فیملی ،دوستوں ، میڈیا اور خاص طور پر میرے چاہنے والوں کا  سالگرہ کی مبارکباد دینے کے لیئے شکریہ۔

سفید شلوار قمیص میں ملبوس سجاد علی نے یہ بھی بتایا کہ وہ اپنے آنے والے قومی گیت کے سیٹ پر موجود ہیں۔

یاد رہے کہ پاپ اور کلاسیکل موسیقی پر یکساں عبور رکھنے والے سجاد علی کا پہلا البم 1979 میں ریلیز ہوا تھا۔

90ء کی دہائی میں گلوکاری کے شعبے میں حکمرانی کرنے والے سجاد علی پاکستان میوزک انڈسٹری کو کئی کامیاب گانے دے چکے ہیں۔

سجاد علی گائیکی کے ساتھ ساتھ کمپوزنگ میں بھی یکساں مہارت رکھتے ہیں جس کا منہ بولتا ثبوت ان کے ہرگانے کی کامیابی ہے۔